У мінулую суботу, 28 верасня 2013 года, прайшло клубнае мерапрыемства 'Паляванне на фазанаў загонам'.
У Беларусі паляванне на фазанаў загонам з паляўнічымі рытуаламі сталі праводзіць нядаўна; ў 2012 годзе Гродзенскі мясакамбінат запусціў фазанарый на 5 тысяч асобін, арандаваў паляўнічыя ўгоддзі, падрыхтаваў супрацоўнікаў, вывучыўшы вопыт Еўрапейскіх краін, і справа пайшла.
Адразу варта адзначыць, што такое паляванне нельга лічыць сапраўдным, так як фазан вырошчваецца ў спецыяльных закрытых вальерах і выпускаецца ў паляўнічыя ўгоддзі непасрэдна перад пачаткам палявання.
У краінах Старога свету такое паляванне мае папулярнасць. І асноўнымі мэтамі яго з'яўляюцца сустрэча сяброў-паляўнічых, адпачынак на прыродзе у атмасферы паляўнічых рытуалаў і традыцый. Такія ж задачы ставіў і наш калектыў, збіраючыся на гэтае мерапрыемства.
Як вядома, верасень — гэта самы жыватворны месяц для палявання на аленя і лася падчас гону. Многія заўзятыя паляўнічыя ў гэты час, можна сказаць, жывуць у лесе і шукаюць жаданыя трафеі. Па-гэтаму на клубнае мерапрыемства ў гэты раз сабралася зусім няшмат чалавек.
Прыбылі ў вёску Новая Руда Гродзенскай вобласці на месца палявання да поўдня. Ветлівыя гаспадары да гэтага часу накрылі стол, каб трохі падмацаваць з дарогі.
Затым, як таго патрабуюць правілы, усе паляўнічыя атрымалі на рукі пуцёўкі і праслухалі абавязковы інструктаж. Кіраваў паляваннем паляўніцтвазнавец гаспадаркі Анатоль Пронін.
Пасля бюракратычнай часткі ўсе ўдзельнікі палявання, уключаючы загоншчыкаў, пастроіліся на спецыяльна абсталяванай для паляўнічых рытуалаў пляцоўцы для ўрачыстага адкрыцця палявання. Словы прывітання сказаў намеснік дырэктара Гродзенскага мясакамбіната і куратар паляўнічай гаспадаркі Алег Крывеня.
Старэйшым ад паляўнічага калектыву выступіў Антон Клімантовіч, які разам з Алегам подял сцягі ў гонар пачатку палявання.
Урачыстасці надавалі прысутныя на ўсім мерапрыемстве гарніст, які падаваў розныя сігналы; шляхціч, які выступаў вядучым рытуалаў; Багіня Зевана, якая згодна з старажытнай славянскай рэлігіі з'яўляецца Багіняй звярынай лоўлі.
На прыканцы ўрачыстай часткі паляўнічых пачаставалі смачнай медовухой і кінулі жэрабя каму на якіх нумарах стаяць у загоне.
Для фазанаў у гаспадарцы абсталяваны на 10-12 чалавек адзін загон — гэта малады ельнік плошчай паўтара-два гектара, з двух бакоў акружаны сцяной леса, з трэцяй — балотам, а з чацвёртага — полем буякоў.
Паляўнічыя сталі на нумары, быў пададзены сігнал горна і загон пайшоў.
Так як паляўнічых было ўсяго пяць і адлегласць паміж стрэлкамі было 70-100 метраў, то многія фазаны праходзілі паміж стралкоў на недасягальнай для гладкаствольнай зброі дыстанцыі. Загон доўжыўся прыкладна 30 хвілін.
Пасля першага загону калектыў зноў сабраўся на рытуальнай паляне, дзе падвялі вынікі, абмеркавалі поспехі і промахі. У перапынку арганізатары мерапрыемства правялі некалькі конкурсаў па паляўнічай тэматыцы, пераможцы якіх атрымалі памятныя прызы і падарункі.
Потым, зноў жэрабя і зноў па месцах. Горн, 30 хвілін шчыльнай стральбы, зноў горн — канец загоннага палявання.
Затым адбылося ўрачыстае закрыццё палявання. Зрабілі выкладку здабытых фазанаў. Падвялі вынікі. Лепшым стралком у гэты раз стаў Антоній Клімантовіч, за што ён быў узнагароджаны каштоўным сувенірам і атрымаў права апусціць сцягі ў гонар заканчэння палявання.
Старэйшы з паляўнічых, вымавіў ўрачыстыя словы, ён павіншаваў усіх удзельнікаў палявання з адбыўшымся святам, падзякаваў арганізатараў. Сваю прамову ён зрабiў на беларускай мове. Кожнаму былі ўручаны памятныя пасведчання ўдзельніка палявання.
Пасля заканчэння ўрачыстай часткі закрыцця палявання паляўнічым было прапанавана пахадзіць, узяўшы сабак, па прылеглай да кашары тэрыторыі з мэтай здабычы праляцеўшых міма нумароў нябітых фазанаў, на што наш калектыў ахвотна пагадзіўся.
Стрэлкі, запусціўшы наперад паляўнічых сабак, сталі ланцугом і пайшлі па ваколіцы загону. І так папалявалі яшчэ каля гадзіны.
Пасля, нагуляўшых апетыт паляўнічых, ветлівыя гаспадары запрасілі за абедзенны стол з вельмі смачнымі і каларытнымі стравамі Беларускай нацыянальнай кухні.
Добра паесці, абмеркаваўшы ўвесь праведзены на паляванні дзень і замацаваўшы станоўчыя эмоцыі, уся кампанія раз'ехалася, хто па дамах, а хто далей паляваць на равучых аленя і лася.
Віншуем усіх удзельнікаў мерапрыемства з адбыўшымся паляўнічым святам!
Калектыў клуба 'Сафары' выказвае падзяку ўсім супрацоўніка Гродзенскага мясакамбіната, якія прымалі ўдзел у падрыхтоўцы і правядзенні палявання на фазанаў загонам!
Больш здымкаў з дадзенага мерапрыемства вы знойдзеце ў нашай фотагалерэі.